اكتب على جرح الغلا صاحبه مات
واكتب على حبل المواصل نهايـه
مقدر اجيك ودونك الناس زافـات
درب الغلا وقـفَ بفعلـة اعدايـه
طاحت دموع العين واختلت الذات
واحترت مابين العيـون وغلايـه
حسبي عليهـم ناقليـن النمامـات
التافهين اهل الخطـاء والوشايـه
ياوردتي ماعـاد فيهـا سلامـات
أقرب قريب الناس يبحـث خفايـه
واليوم انا ويـاك عشنـا متاهـات
سجل على بيض الورق من عنايه
ارسمك بااحلا صـورةٍ للعفيفـات
وعلى الامل تحيا حروف البدايـه
واليارجعت لواقعي عفـت مافـات
ياوردتـي عـذرا حقيقـة نهايـه